ਜਗਨ ਨਾਥ ‘’ਉਦੋਕੇ ਨਿਮਾਣਾ’’ ਬਟਾਲਾ ਵਲੋਂ
ਜੋ ਰੱਬ ਦਾ ਰੂਪ ਕਹਾਉਂਦੀ-ਉਹ ਮਾਂ ਹੁੰਦੀ ਏ
ਅਨੀਤਾ ਬੇਦੀ 
“ਮਾਂ”
———
ਜੋ ਆਪਣਾ ਦੁੱਧ ਪਿਆਉਂਦੀ-ਉਹ ਮਾਂ ਹੁੰਦੀ ਏ,
ਜੋ ਗੋਦੀ ਵਿੱਚ ਖਡਾਉਂਦੀ - ਉਹ ਮਾਂ ਹੁੰਦੀ ਏ,
ਜੋ ਚੂਰੀਆਂ ਕੁੱਟ ਖਵਾਉਂਦੀ- ਉਹ ਮਾਂ ਹੁੰਦੀ ਏ,
ਜੋ ਲੋਰੀਆਂ ਦੇ ਸਵਾਉਂਦੀ - ਉਹ ਮਾਂ ਹੁੰਦੀ ਏ,
ਜੋ ਰੋਜ ਹੀ ਲਾਡ ਲਡਾਉਂਦੀ-ਉਹ ਮਾਂ ਹੁੰਦੀ ਏ,
ਜੋ ਸੁਭਾ ਸਕੂਲ ਘਲਾਉਂਦੀ- ਉਹ ਮਾਂ ਹੁੰਦੀ ਏ,
ਜੋ ਸੋਹਣੇ ਕੱਪੜੇ ਪਾਉਂਦੀ- ਉਹ ਮਾਂ ਹੁੰਦੀ ਏ,
ਜੋ ਦੁੱਖ’ਚ ਸਾਥ ਨਿਭਾਉਂਦੀ-ਉਹ ਮਾਂ ਹੁੰਦੀ ਏ,
ਜੋ ਜਿਊਣ ਦਾ ਢੰਗ ਸਿਖਾਉਂਦੀ-ਉਹ ਮਾਂ ਹੁੰਦੀ ਏ,
ਜੋ ਸਾਹ ਨਾਲ ਸਾਹ ਨਿਭਾਉਂਦੀ- ਉਹ ਮਾਂ ਹੁੰਦੀ ਏ,
ਜੋ ਘਣਛਾਂਵਾਂ ਬੂਟਾ ਕਹਾਉਂਦੀ-ਉਹ ਮਾਂ ਹੁੰਦੀ ਏ,
ਕਹੇ ‘’ਨਿਮਾਣਾ ਉਦੋਕੇ”
ਜੋ ਰੱਬ ਦਾ ਰੂਪ ਕਹਾਉਂਦੀ-ਉਹ ਮਾਂ ਹੁੰਦੀ ਏ ।
ਲੇਖਕ:-ਜਗਨ ਨਾਥ ‘’ਉਦੋਕੇ ਨਿਮਾਣਾ’’
ਸੀ-7, ਚੰਦਰ ਨਗਰ, ਬਟਾਲਾ
ਫੋਨ ਨੰ:- 9501389922
