ਤਹਿਸੀਲ ਹੁਸ਼ਿਆਰਪੁਰ ਦੀ ਜੀਓਜੀ ਟੀਮ ਨੇ 200 ਬੂਟੇ ਲਗਾ ਕੇ "ਗੋ ਗ੍ਰੀਨ" ਪ੍ਰੋਜੈਕਟ ਵਿੱਚ ਆਪਣਾ ਯੋਗਦਾਨ ਪਾਇਆ
ਤਹਿਸੀਲ ਹੁਸ਼ਿਆਰਪੁਰ ਦੀ ਜੀਓਜੀ ਟੀਮ ਨੇ 200 ਬੂਟੇ ਲਗਾ ਕੇ "ਗੋ ਗ੍ਰੀਨ" ਪ੍ਰੋਜੈਕਟ ਵਿੱਚ ਆਪਣਾ ਯੋਗਦਾਨ ਪਾਇਆ
Jasvir Kajal Adda Saran ਜਸਵੀਰ ਕਾਜਲ 
ਅੱਡਾ ਸਰਾਂ (ਜਸਵੀਰ ਕਾਜਲ)
ਪਿੰਡ ਮਹਿਲਾਂਵਾਲੀ ਤਹਿਸੀਲ ਅਤੇ ਜ਼ਿਲ੍ਹਾ ਹੁਸ਼ਿਆਰਪੁਰ ਵਿਖੇ ਐਕਸ ਸਰਵਿਸਮੈਨ ਵੈੱਲਫੇਅਰ ਸੋਸਾਇਟੀ ਦੀ ਰਜਿਸਟਰਡ ਪਾਰਕ ਵਿਚ ਬ੍ਰਿਗੇਡੀਅਰ ਸੁਰਜੀਤ ਸਿੰਘ ,ਕਰਨਲ ਮਲੂਕ ਸਿੰਘ ਜ਼ਿਲ੍ਹਾ ਹੈੱਡ ਜੀ ਓ ਜੀ ਟੀਮ, ਕਲੱਸਟਰ -7 ਦੇ ਇੰਚਾਰਜ ਸੂਬੇਦਾਰ ਸ਼ੇਰ ਸਿੰਘ ਅਤੇ ਪੂਰੀ ਜੀਓਜੀ ਟੀਮ ਨੇ 200 ਬੂਟੇ ਲਗਾ ਕੇ ਗੋ ਗਰੀਨ ਪ੍ਰੋਜੈਕਟ ਵਿੱਚ ਬੜਾ ਯੋਗਦਾਨ ਪਾਇਆ ਹੈ। ਇਸ ਮੁਹਿੰਮ ਵਿੱਚ ਸਜਾਵਟੀ, ਫਲਦਾਰ ਅਤੇ ਛਾਂਦਾਰ ਪੌਦੇ ਲਗਾਏ ਗਏ ਹਨ। ਬ੍ਰਿਗੇਡੀਅਰ ਸੁਰਜੀਤ ਸਿੰਘ ਅਤੇ ਕਰਨਲ ਮਲੂਕ ਸਿੰਘ ਨੇ ਪਾਰਕ ਦਾ ਉਦਘਾਟਨ ਕਰਨ ਤੋਂ ਬਾਅਦ ਸੰਬੋਧਨ ਕਰਦਿਆਂ ਦੱਸਿਆ ਕਿ 'ਪਵਨ ਗੁਰੂ ਪਾਣੀ ਪਿਤਾ ਮਾਤਾ ਧਰਤਿ ਮਹਤੁ' । ਗੁਰੂ ਨਾਨਕ ਦੇਵ ਜੀ ਦੇ ਇਸ ਫ਼ਲਸਫ਼ੇ ਨੂੰ ਜੀਵਤ ਰੱਖਣ ਦੇ ਲਈ ਸਾਨੂੰ ਜ਼ਿਆਦਾ ਤੋਂ ਜ਼ਿਆਦਾ ਪੌਦੇ ਲਗਾਉਣ ਦਾ ਯਤਨ ਕਰਦੇ ਰਹਿਣਾ ਚਾਹੀਦਾ ਹੈ ਤਾਂ ਕਿ ਵਾਤਾਵਰਨ ਸ਼ੁੱਧ ਬਣਿਆ ਰਹੇ। ਇਸ ਮੌਕੇ ਤੇ ਪਿੰਡ ਮਹਿਲਾਂਵਾਲੀ ਦੇ ਐਕਸ ਸਰਵਿਸਮੈਨ, ਸਰਪੰਚ ਸ੍ਰੀਮਤੀ ਹਰਜਿੰਦਰ ਕੌਰ , ਪਿੰਡ ਅਨੰਦਗਡ਼੍ਹ ਦੇ ਸਰਪੰਚ ਰਾਵਲ ਸਿੰਘ, ਪਿੰਡ ਨੰਗਲ ਸ਼ਹੀਦਾਂ ਦੇ ਸਰਪੰਚ ਪਰਮਜੀਤ ਕੌਰ, ਪਿੰਡ ਮਹਿਤਪੁਰ ਦੇ ਸਰਪੰਚ ਸ਼ਰਨਜੀਤ ਕੌਰ, ਅਤੇ ਪਿੰਡ ਜਹਾਨਖੇਲਾਂ ਦੇ ਸਰਪੰਚ ਕਮਲ ਕੁਮਾਰ ਨੇ ਵੀ ਸ਼ਿਰਕਤ ਕੀਤੀ। ਉਨ੍ਹਾਂ ਨੇ ਜੀਓਜੀ ਟੀਮ ਦੁਆਰਾ ਕੀਤੇ ਜਾ ਰਹੇ ਕੰਮਾਂ ਦੀ ਸ਼ਲਾਘਾ ਕੀਤੀ।
