ਪੰਜਾਬ ’ਚ ਕਾਂਗਰਸ ਹੋਈ ਖਤਮ : ਸੁਖਬੀਰ
ਸੁਖਬੀਰ ਨੇ ਕਿਹਾ ਕਿ ਸੂਬੇ ਵਿਚ ਕਾਂਗਰਸ ਪਾਰਟੀ ਖਤਮ ਹੋ ਚੁੱਕੀ ਹੈ ਤੇ ਆਮ ਆਦਮੀ ਪਾਰਟੀ ਝੂਠਾਂ ਦੀ ਪਾਰਟੀ ਹੈ। ਉਨ੍ਹਾਂ ਨੇ ਟਿਕਟਾਂ ਵੇਚ ਵੇਚ ਕੇ ਉਮੀਦਵਾਰ ਖੜ੍ਹੇ ਕੀਤੇ ਹਨ।
Jatin333
ਸ਼੍ਰੋਮਣੀ ਅਕਾਲੀ ਦਲ ਦੇ ਪ੍ਰਧਾਨ ਸੁਖਬੀਰ ਸਿੰਘ ਬਾਦਲ ਵਲੋਂ ਅੱਜ ਬੱਲੂਆਣਾ ਹਲਕੇ ਤੋਂ ਪਾਰਟੀ ਦੇ ਉਮੀਦਵਾਰ ਪ੍ਰਿਥੀ ਰਾਮ ਮੇਘ ਦੇ ਹੱਕ ਵਿਚ ਪਿੰਡ ਦੁਤਾਰਾਂਵਾਲੀ ਵਿਖੇ ਚੋਣ ਪ੍ਰਚਾਰ ਦੌਰਾਨ ਚੋਣ ਸਭਾ ਨੂੰ ਸੰਬੋਧਨ ਕੀਤਾ। ਇਸ ਦੌਰਾਨ ਉਨ੍ਹਾਂ ਨੇ ਘਰ-ਘਰ ਤਕ ਚੋਣਾਂ ਵਿਚ ਡਟਣ ਦਾ ਹੋਕਾ ਦਿੱਤਾ। ਸੰਬੋਧਨ ਕਰਦਿਆਂ ਸੁਖਬੀਰ ਨੇ ਕਿਹਾ ਕਿ ਸੂਬੇ ਵਿਚ ਕਾਂਗਰਸ ਪਾਰਟੀ ਖਤਮ ਹੋ ਚੁੱਕੀ ਹੈ ਤੇ ਆਮ ਆਦਮੀ ਪਾਰਟੀ ਝੂਠਾਂ ਦੀ ਪਾਰਟੀ ਹੈ। ਉਨ੍ਹਾਂ ਨੇ ਟਿਕਟਾਂ ਵੇਚ ਵੇਚ ਕੇ ਉਮੀਦਵਾਰ ਖੜ੍ਹੇ ਕੀਤੇ ਹਨ। ਉਨ੍ਹਾਂ ਕਿਹਾ ਕਿ ਸ਼੍ਰੋਮਣੀ ਅਕਾਲੀ ਦਲ ਪੰਜਾਬ ਦੀ ਨੁਮਾਇੰਦਾ ਜਥੇਬੰਦੀ ਹੈ।
ਇਸ ਮੌਕੇ ਜਥੇਦਾਰ ਕੌਰ ਸਿੰਘ ਬਹਾਵ ਵਾਲਾ ਮੈਂਬਰ ਸ੍ਰੋਮਣੀ ਕਮੇਟੀ, ਰਜਿੰਦਰ ਸਿੰਘ ਬਰਾੜ, ਚੰਨਣ ਖੇੜਾ, ਆਰਡੀ ਬਿਸ਼ਨੋਈ, ਹਵਾ ਸਿੰਘ ਪੂਨੀਆ ਪ੍ਰਧਾਨ ਕਿਸਾਨ ਵਿੰਗ, ਹਰਚਰਨ ਸਿੰਘ ਚਰਨਾ ਸਰਕਲ ਪ੍ਰਧਾਨ, ਸੁਖਰਾਜ ਸਿੰਘ ਬਹਾਵਵਾਲਾ, ਅਮਨਿੰਦਰਪਾਲ ਸਿੰਘ ਰਿੰਪੀ ਬਰਾੜ ਰਾਜਪੁਰਾ, ਵਿਜੈ ਡੰਗਰਖੇੜਾ, ਦੀਪਾ ਮਲੂਕਪੁਰਾ,ਪਵਨ ਸੈਯਦਾਂ ਵਾਲੀ, ਗੁਰਪਿੰਦਰ ਸਿੰਘ ਸਰਪੰਚ ਬਹਾਦੁਰਖੇੜਾ ਤੇ ਹੋਰ ਆਗੂ ਵੀ ਹਾਜ਼ਰ ਸਨ।
