ਸਰਪੰਚੀ ਲੈਣੀ ਆ ਫਿਲਮ ਕੀਤੀ ਰਿਲੀਜ਼
ਸਰਪੰਚੀ ਲੈਣੀ ਆ ਫਿਲਮ ਕੀਤੀ ਰਿਲੀਜ਼
Jasvir Kajal Adda Saran ਜਸਵੀਰ ਕਾਜਲ 
ਅੱਡਾ ਸਰਾਂ 20 ਫਰਵਰੀ (ਜਸਵੀਰ ਕਾਜਲ) ਹਾਸਰਸ ਤੇ ਸਿੱਖਿਆ ਭਰਪੂਰ ਫਿਲਮ ਸਟੋਰੀਆਂ ਦੀ ਸਫਲਤਾ ਤੋਂ ਬਾਅਦ ਇਕ ਹੋਰ ਪ੍ਰੇਰਨਾਦਾਇਕ ਫਿਲਮ ਸਰਪੰਚੀ ਲੈਣੀ ਆ ਸਰੋਤਿਆਂ ਨੂੰ ਸਮਰਪਿਤ ਕੀਤੀ ਗਈ। ਅਨੇਕਾਂ ਫਿਲਮਾਂ 'ਚ ਕਿਰਦਾਰ ਨਿਭਾ ਚੁੱਕੇ ਮਸਹੂਰ ਕਾਮੇਡੀ ਕਲਾਕਾਰ ਤਾਇਆ ਟੱਲੀ ਰਾਮ ਅਤੇ ਲੋਕਾਂ ਦੇ ਪਸੰਦੀਦਾ ਜਾਣੇ ਪਹਿਚਾਣੇ ਚਿਹਰੇ ਨੀਟੂ ਸ਼ਟਰਾਂ ਵਾਲੇ ਸਮੇਤ ਕਈ ਕਲਾਕਾਰਾਂ ਵੱਲੋਂ ਬਣਾਈ ਫਿਲਮ ਸਰਪੰਚੀ ਲੈਣੀ ਆ ਰਿਲੀਜ਼ ਕੀਤੀ ਗਈ। ਇਸ ਫਿਲਮ ਨੂੰ ਸੁਰਜੀਤ ਸਿੰਘ ਸਕਰਾਲਾ (ਤਾਇਆ ਟੱਲੀ ਰਾਮ) ਨੇ ਡਾਇਰੈਕਟ ਕੀਤਾ ਹੈ।ਇਸ ਫਿਲਮ ਦੇ ਰਾਇਟਰ ਸੋਢੀ ਸਾਹਿਬ ਅਤੇ ਕੈਮਰਾਮੈਨ ਡੀ.ਓ.ਪੀ ਦੀ ਭੂਮਿਕਾ ਸੋਮ ਨਾਥ ਸਕਰਾਲਾ ਨੇ ਨਿਭਾਈ ਹੈ। ਇਹ ਫਿਲਮ ਵੋਟਾਂ ਮੌਕੇ ਸ਼ਰਾਬ ਅਤੇ ਪੈਸਿਆਂ ਪਿੱਛੇ ਲੱਗ ਕੇ ਪਾਈਆਂ ਵੋਟਾਂ ਵੇਚਣ ਵਾਲਿਆ ਨੂੰ ਸਿੱਖਿਆ ਦੇਣ ਤੇ ਅਧਾਰਿਤ ਹੈ। ਇਸ ਦੇਖਣਯੋਗ ਫਿਲਮ ਦੇ ਵਿੱਚ ਕਾਮੇਡੀ ਦਾ ਤੁੜਕਾ ਵੀ ਲਗਾਇਆ ਗਿਆ ਹੈ। ਇਸ ਫਿਲਮ ਵਿਚ ਤਾਇਆ ਟੱਲੀ ਰਾਮ, ਨੀਟੂ ਸ਼ਟਰਾਂ ਵਾਲਾ, ਜੱਸਾ ਸੈਨਪੁਰੀ ਸੋਮ ਨਾਥ ਸਕਰਾਲਾ, ਸੋਡੀ ਸਾਬ, ਰਾਮ ਸਿੰਘ ਸਕਰਾਲਾ, ਬੱਬੂ ਟੋਮੀ, ਰੇਨੂਕਾ ਰਾਜਪੂਤ, ਸਨੀ ਸਹੋਤਾ, ਅਸੀਸ ਗੜ੍ਹਦੀਵਾਲ, ਮੰਗਾ ਮਾਹੀ, ਸਲੀਮ ਸੁਧਾਮਾ, ਅਮਿਤ, ਸੁੱਚਾ ਪੰਡੋਰੀ, ਮੋਨੂੰ ਸੈਨਪੁਰੀ, ਭੀਮ ਮਸੀਤੀ ਵੱਲੋਂ ਬਾਖੂਬੀ ਕਿਰਦਾਰ ਨਿਭਾਏ ਗਏ ਹਨ।
