ਨੰਗਲ ਖੂੰਗਾ ਦੀ ਕਾਜਲ ਨਾਗਲੂ ਦਾ ਬੀ ਐਡ ਚ ਪਹਿਲਾ ਸਥਾਨ ਆਉਣ ਤੇ ਮਨਜੀਤ ਦਸੂਹਾ ਵੱਲੋ ਸਨਮਾਨ।

Oct 18, 2022 - 11:32 Updated: Oct 18, 2022 - 11:33

ਅੱਡਾ ਸਰਾਂ (ਜਸਵੀਰ ਕਾਜਲ)

ਟਾਂਡਾ ਨਾਲ ਲੱਗਦੇ ਪਿੰਡ ਨੰਗਲ ਖੂੰਗਾ ਦੇ ਨਛੱਤਰ ਸਿੰਘ ਦੀ ਬੇਟੀ ਕਾਜਲ ਨਾਗਲੂ ਦਾ ਬੀ ਐਡ ਦੇ ਫਾਈਨਲ ਰਿਜ਼ਲਟ ਵਿੱਚੋ ਪਹਿਲਾ ਸਥਾਨ ਹਾਸਲ ਕਰਨ ਤੇ ਉੱਘੇ ਸਮਾਜ ਸੇਵੀ ਤੇ ਹਲਕਾ ਇੰਚਾਰਜ ਸ੍ਰੋਮਣੀ ਅਕਾਲੀ ਦਲ ਸੰਯੁਕਤ ਮਨਜੀਤ ਸਿੰਘ ਦਸੂਹਾ ਵੱਲੋ ਭਰਵਾ ਸਨਮਾਨ ਕੀਤਾ ਗਿਆ। ਇਸ ਮੌਕੇ ਲੜਕੀ ਦੇ ਪਿਤਾ ਨਛੱਤਰ ਸਿੰਘ ਨੇ ਦੱਸਿਆ ਕਿ ਉਹਨਾ ਦੀ ਬੇਟੀ ਪੜ੍ਹਾਈ ਵਿੱਚ ਬਹੁਤ ਹੁਸ਼ਿਆਰ ਹੈ। ਪ੍ਰੰਤੂ ਗਰੀਬੀ ਕਰਕੇ ਉਹ ਬੱਚੀ ਨੂੰ ਪੜਾਉਣ ਵਿੱਚ ਅਸਮਰੱਥ ਸਨ। ਤਾ ਉਹਨਾ ਦੀ ਬਾਹ ਮਨਜੀਤ ਸਿੰਘ ਦਸੂਹਾ ਨੇ ਫੜੀ ਤੇ ਬੱਚੀ ਦੀ ਬੀ ਐਡ ਕਰਾਉਣ ਵਿੱਚ ਅਹਿਮ ਯੋਗਦਾਨ ਪਾਇਆ। ਤੇ ਬੱਚੀ ਦੀ ਮਿਹਨਤ ਨੇ ਲਗਨ ਨੇ ਉਸਨੂੰ ਬੀ ਐਡ ਵਿੱਚੋ ਟਾਪਰ ਬਣਾਇਆ। ਇਸ ਮੌਕੇ ਬੱਚੀ ਕਾਜਲ ਨਾਗਲੂ ਨੇ ਕਿਹਾ ਕਿ ਉਸਨੇ ਤੇਗ ਬਹਾਦਰ ਖਾਲਸਾ ਕਾਲਜ ਦਸੂਹਾ ਤੋ ਬੀ ਐਡ ਦੀ ਪੜਾਈ ਕੀਤੀ। ਟੀਚਰ ਸਹਿਬਾਨ ਦੇ ਸਹਿਯੋਗ ਨਾਲ ਉਸਨੇ ਕਾਜਲ ਵਿੱਚੋ ਪਹਿਲਾ ਸਥਾਨ ਪ੍ਰਾਪਤ ਕੀਤਾ। ਤੇ ਉਸਦਾ ਟੀਚਾ ਆਈ ਏ ਐਸ ਬਣਨ ਦਾ ਹੈ। ਇਸ ਮੌਕੇ ਮਨਜੀਤ ਸਿੰਘ ਦਸੂਹਾ ਨੇ ਬੇਟੀ ਕਾਜਲ ਤੇ ਉਸਦੇ ਪਰਿਵਾਰ ਨੂੰ ਵਧਾਈ ਦਿੰਦਿਆ ਪਰਿਵਾਰ ਨੂੰ ਵਿਸਵਾਸ਼ ਦਿਵਾਇਆ ਕਿ ਉਹ ਪਰਿਵਾਰ ਨਾਲ ਬੇਟੀ ਦੀ ਪੜ੍ਹਾਈ ਸਬੰਧੀ ਹਰ ਸਮੇ ਖੜੇ ਹਨ। ਮੇਰੇ ਹਲਕੇ ਲਈ ਮਾਣ ਵਾਲੀ ਗੱਲ ਹੋਵੇਗੀ ਜੇ ਮੇਰੇ ਸਹਿਯੋਗ ਨਾਲ ਬੇਟੀ ਆਈ ਏ ਐਸ ਬਣ ਜਾਏ। ਇਸ ਮੌਕੇ ਪਰਿਵਾਰ ਨੇ ਮਨਜੀਤ ਸਿੰਘ ਦਸੂਹਾ ਦਾ ਧੰਨਵਾਦ ਕੀਤਾ। ਇਸ ਮੌਕੇ ਸਾਬਕਾ ਜਿਲਾ ਪ੍ਰੀਸ਼ਦ ਮੈਂਬਰ ਹੁਸ਼ਿਆਰਪੁਰ ਸੁਖਵਿੰਦਰ ਸਿੰਘ ਮੂਨਕ, ਰਤਨ ਸਿੰਘ ਖੋਖਰ, ਅਮਰਜੀਤ ਸਿੰਘ ਖੋਖਰ, ਨੰਬਰਦਾਰ ਦਵਿੰਦਰ ਸਿੰਘ ਬਾਜਵਾ,ਰੂਪ ਲਾਲ ਨੰਗਲਖੂੰਗਾ ਆਦਿ ਹਾਜ਼ਰ ਸਨ।