ਭਾਗੀਨੰਗਲ ਬਟਾਲਾ ਦੇ 19 ਸਾਲਾਂ ਨੌਜਵਾਨ ਨੂੰ ਬੱਜਰੀ ਨਾਲ ਭਰੇ ਟਿੱਪਰ ਨੇ ਦਰੜਿਆ
ਮੌਕੇ ਤੇ ਹੋਈ ਨੌਜਵਾਨ ਦੀ ਮੌਤ
Karamjeet Jamba Batala ਕਰਮਜੀਤ ਜੰਬਾ ਬਟਾਲਾ 
ਬਟਾਲਾ ਤੋਂ ਕਾਹਨੂੰਵਾਨ ਰੋਡ ਤੇ ਪਿੰਡ ਸ਼ੇਰਪੁਰ ਨੇੜੇ ਇਕ ਭਿਆਨਕ ਸੜਕ ਹਾਦਸੇ ਚ 19 ਸਾਲਾਂ ਨੌਜਵਾਨ ਦੀ ਬੱਜਰੀ ਨਾਲ ਭਰੇ ਟਿੱਪਰ ਥੱਲੇ ਆਉਣ ਨਾਲ ਪੂਰੇ ਹੋਣ ਦਾ ਦੁਖਦ ਸਮਾਚਾਰ ਸਾਹਮਣੇ ਆਇਆ ਹੈ। ਇਸ ਸਬੰਧੀ ਪਰਿਵਾਰਕ ਮੈਂਬਰਾਂ ਜਾਣਕਾਰੀ ਦਿੰਦੇ ਦੱਸਿਆ ਕਿ ਮ੍ਰਿਤਕ ਅਮਰਪਾਲ ਸਿੰਘ 19 ਪੁੱਤਰ ਲੇਟ ਹੀਰਾ ਸਿੰਘ ਵਾਸੀ ਭਾਗੀਆਂ (ਭਾਗੀਨੰਗਲ )ਜੋ ਮਲਕਪੁਰ ਆਈਲੈਟਸ ਸੈਂਟਰ ਚ ਆਈਲੈਟਸ ਕਰਦਾ ਸੀ ਮੋਟਰਸਾਈਕਲ ਤੇ ਪਿੰਡ ਵਾਪਸ ਜਾ ਰਿਹਾ ਸੀ ਜਦੋਂ ਦੁਪਹਿਰ ਕਰੀਬ 2 ਵਜੇ ਕਾਹਨੂੰਵਾਨ ਸਾਈਡ ਤੋਂ ਆ ਰਹੇ ਬੱਜਰੀ ਨਾਲ ਭਰੇ ਟਿੱਪਰ ਦੀ ਲਪੇਟ ਚ ਆ ਗਿਆ ਜਿਸ ਨਾਲ ਉਸਦੀ ਮੌਕੇ ਤੇ ਮੌਤ ਹੋ ਗਈ। ਉਧਰ ਘਟਨਾ ਦੀ ਸੂਚਨਾ ਮਿਲਦੇ ਥਾਣਾ ਸੇਖਵਾਂ ਦੀ ਪੁਲਿਸ ਮੌਕੇ ਤੇ ਪੁੰਹਚ ਗਈ ਜਿਨਾਂ ਵੱਲੋਂ ਇਕ ਜੇਸੀਬੀ ਤੇ ਇਕ ਕਰੇਨ ਦੀ ਮਦਦ ਨਾਲ ਟਿੱਪਰ ਚੋਂ ਬੱਜਰੀ ਉਤਾਰ ਕੇ ਮ੍ਰਿਤਕ ਦੇਹ ਨੂੰ ਟਿੱਪਰ ਹੇਠੋਂ ਕੱਢਿਆ ਗਿਆ ਅਤੇ ਪੋਸਟਮਾਰਟਮ ਲਈ ਸਿਵਲ ਹਸਪਤਾਲ ਬਟਾਲਾ ਭੇਜਿਆ ਗਿਆ। ਉਧਰ ਮਿਲੀ ਜਾਣਕਾਰੀ ਅਨੁਸਾਰ ਟਿੱਪਰ ਦਾ ਡਰਾਈਵਰ ਮੌਕੇ ਤੋਂ ਫ਼ਰਾਰ ਹੋ ਗਿਆ ਸੀ, ਜਦਕਿ ਪੁਲਿਸ ਵੱਲੋਂ ਟਿੱਪਰ ਕਾਬੂ ਕਰਕੇ ਅਗਲੀ ਕਾਰਵਾਈ ਕੀਤੀ ਜਾ ਰਹੀ ਹੈ।
