ਨਾੜ ਦੀ ਭਿਆਨਕ ਅੱਗ ਨੇ ਸਕੂਲ ਬੱਸ ਨੂੰ ਆਪਣੀ ਚਪੇਟ ਵਿਚ ਲਿਆ
ਨਾੜ ਦੀ ਭਿਆਨਕ ਅੱਗ ਨੇ ਸਕੂਲ ਬੱਸ ਨੂੰ ਆਪਣੀ ਚਪੇਟ ਵਿਚ ਲਿਆ - ਬਹੁਤ ਸਾਰੇ ਬੱਚੇ ਅੱਗ ਨਾਲ ਝੁਲਸ ਗਏ
Rajiv Soni Fatehgarh Churian ਰਾਜੀਵ ਸੋਨੀ ਫਤਹੀਗੜੵ ਚੂੜੀਆਂ 
ਆਏ ਦਿਨੀ ਪੰਜਾਬ ਦੇ ਕਿਸਾਨਾ ਵੱਲੋਂ ਖੇਤਾਂ ਦੇ ਨਾੜ ਨੂੰ ਅੱਗ ਲਗਾਉਣ ਕਾਰਨ ਵਾਪਰਦੇ ਹਾਦਸਿਆਂ ਦੀਆਂ ਦੀਆਂ ਖ਼ਬਰਾਂ ਆ ਰਹੀਆਂ ਹਨ,
ਜਿਸ ਕਰਕੇ ਸੜਕਾਂ ਦੇ ਕੰਢਿਆਂ ਤੇ ਖੜੇ ਰੁੱਖ ਆਦਿ ਸੜਨ ਤੋਂ ਇਲਾਵਾ ਅੱਗ ਦੇ ਧੂੰਏ ਕਰਕੇ ਬਹੁਤ ਸਾਰੇ ਹਾਦਸੇ ਵਾਪਰ ਰਹੇ ਹਨ। ਅੱਜ ਇਸੇ ਤਰਾਂ ਦਾ ਹੀ ਅੱਜ ਹਲਕਾ ਫਤਿਹਗੜ੍ਹ ਚੂੜੀਆਂ ਅਧੀਨ ਪੈਂਦੇ ਪਿੰਡ ਕਿਲਾ ਲਾਲ ਸਿੰਘ ਦੇ ਇੱਕ ਨਿੱਜੀ ਸਕੂਲ ਦੀ ਬੱਚਿਆਂ ਨਾਲ ਭਰੀ ਹੋਈ ਬੱਸ ਨਾਲ ਬਿਜਲੀਵਾਲ ਪਿੰਡ ਦੇ ਕੋਲ ਵਾਪਰਿਆ, ਜਦੋਂ ਨਾੜ ਦੀ ਭਿਆਨਕ ਅੱਗ ਨੇ ਇਸ ਬੱਸ ਨੂੰ ਆਪਣੀ ਚਪੇਟ ਵਿਚ ਲੈ ਲਿਆ। ਜਿਸ ਕਰਕੇ ਬੱਸ 'ਚ ਸਵਾਰ ਬਹੁਤ ਸਾਰੇ ਬੱਚੇ ਅੱਗ ਨਾਲ ਝੁਲਸ ਗਏ। ਮੌਕੇ ਤੇ ਪਹੁੰਚੇ ਹਲਕਾ ਫਤਿਹਗੜ੍ਹ ਚੂੜੀਆਂ ਤੋਂ ਆਮ ਆਦਮੀ ਪਾਰਟੀ ਦੇ ਬਲਾਕ ਇੰਚਾਰਜ ਲਖਵਿੰਦਰ ਸਿੰਘ ਸੰਘੇੜਾ ਨੇ ਦੱਸਿਆ ਕਿ ਲੋਕਾਂ ਨੇ ਬੜੀ ਦਲੇਰੀ ਨਾਲ ਹਾਦਸੇ ਦੇ ਸ਼ਿਕਾਰ ਬੱਚਿਆਂ ਨੂੰ ਅੱਗ ਦੀਆਂ ਲਪਟਾਂ ਵਿਚੋਂ ਕੱਢਿਆ ਅਤੇ ਜਖਮੀ ਬੱਚਿਆਂ ਨੂੰ ਇਲਾਜ ਲਈ ਪ੍ਰਾਈਵੇਟ ਹਸਪਤਾਲ ਵਿਚ ਭੇਜਿਆ ਗਿਆ ਹੈ।
