ਥਾਣਾ ਮੁਖੀ ਸੁਖਵਿੰਦਰ ਸਿੰਘ ਨੇ ਸਪੈਸ਼ਲ ਨਾਕਾ ਲਗਾ ਕੇ ਦਰਜਨਾਂ ਵਾਹਨਾਂ ਦੇ ਚਲਾਨ ਕੱਟੇ
ਪਟਾਕੇ ਪਾਉਣ ਵਾਲੇ ਦੋ ਬੁੱਲੇਟ ਮੋਟਰਸਾਈਕਲ ਬੌਂਡ ਕੀਤੇ
Rajiv Soni Fatehgarh Churian ਰਾਜੀਵ ਸੋਨੀ ਫਤਹੀਗੜੵ ਚੂੜੀਆਂ 
ਥਾਣਾ ਮੁਖੀ ਸੁਖਵਿੰਦਰ ਸਿੰਘ ਨੇ ਸਪੈਸ਼ਲ ਨਾਕਾ ਲਗਾ ਕੇ ਦਰਜਨਾਂ ਵਾਹਨਾਂ ਦੇ ਚਲਾਨ ਕੱਟੇ
ਪਟਾਕੇ ਪਾਉਣ ਵਾਲੇ ਦੋ ਬੁੱਲੇਟ ਮੋਟਰਸਾਈਕਲ ਬੌਂਡ ਕੀਤੇ
ਫ਼ਤਿਹਗੜ੍ਹ ਚੂੜੀਆਂ/ ਰਾਜੀਵ ਸੋਨੀ / ਪੁਲਿਸ ਜਿਲ੍ਹਾ ਬਟਾਲਾ ਦੀ ਐਸ ਐਸ ਪੀ ਮੈਡਮ ਅਸ਼ਵਨੀ ਗੌਟੀਆਲ, ਐਸ ਪੀ ਡੀ ਸ੍ਰ ਗੁਰਪ੍ਰੀਤ ਸਿੰਘ ਦੀਆਂ ਹਦਾਇਤਾਂ ਅਤੇ ਡੀ ਐਸ ਪੀ ਸ੍ਰ ਸਵਰਨ ਸਿੰਘ ਦੀ ਅਗਵਾਈ ਚ ਫ਼ਤਿਹਗੜ੍ਹ ਚੂੜੀਆਂ ਦੇ ਐਸ ਐਚ ਓ ਸ੍ਰ ਸੁਖਵਿੰਦਰ ਸਿੰਘ ਵੱਲੋ ਆਪਣੀ ਪੁਲਿਸ ਪਾਰਟੀ ਨਾਲ ਅੱਜ ਸ਼ਾਮ ਸਥਾਨਕ ਕਸਬੇ ਵਿਚ ਸਪੈਸ਼ਲ ਨਾਕੇ ਲਗਾ ਕੇ ਦਰਜ਼ਨ ਦੇ ਕਰੀਬ ਵਾਹਨਾਂ ਦੇ ਚਲਾਨ ਕੱਟੇ ਅਤੇ ਪਟਾਕੇ ਪਾਉਣ ਵਾਲੇ ਦੋ ਬੁੱਲੇਟ ਮੋਟਰਸਾਈਕਲਾਂ ਨੂੰ ਬੌਂਡ ਕੀਤਾ ਗਿਆ। ਇਸ ਬਾਰੇ ਜਾਣਕਾਰੀ ਦੇਂਦੇ ਹੋਏ ਐਸ ਐਚ ਓ ਨੇ ਦੱਸਿਆ ਕਿ ਭੈੜੇ ਅਨਸਰਾਂ ਨੂੰ ਨੱਥ ਪਾਉਣ ਦੇ ਮਕਸਦ ਨਾਲ ਸਮੇ ਸਮੇ ਤੇ ਸਾਡੇ ਵੱਲੋਂ ਕਸਬੇ ਦੇ ਵੱਖ ਵੱਖ ਥਾਵਾਂ ਤੇ ਨਾਕਾਬੰਦੀ ਕਰਕੇ ਆਉਣ ਜਾਣ ਵਾਲੇ ਵਾਹਨਾਂ ਦੀ ਚੈਕਿੰਗ ਕੀਤੀ ਜਾਂਦੀ ਹੈ। ਅੱਜ ਇਸ ਦੌਰਾਨ ਦਰਜ਼ਨ ਦੇ ਕਰੀਬ ਵਾਹਨਾਂ ਦੇ ਚਲਾਨ ਕੱਟੇ ਅਤੇ ਪਟਾਕੇ ਪਾਉਣ ਵਾਲੇ ਦੋ ਬੁੱਲੇਟ ਬੌਂਡ ਕੀਤੇ ਗਏ ਹਨ। ਉਹਨਾਂ ਪਟਾਕੇ ਪਾਉਣ ਵਾਲੇ ਵਾਹਨਾਂ ਅਤੇ ਬਿਨ੍ਹਾ ਨੰਬਰ ਵਾਹਨ ਚਲਾਉਣ ਵਾਲੇ ਲੋਕਾਂ ਨੂੰ ਤਾੜਨਾਂ ਕੀਤੀ ਕਿ ਉਹ ਸੁਧਰ ਜਾਣ ਨਹੀਂ ਤਾਂ ਉਹਨਾਂ ਨੂੰ ਬਖਸ਼ਿਆ ਨਹੀਂ ਜਾਵੇਗਾ ਅਤੇ ਉਹਨਾਂ ਖਿਲਾਫ਼ ਸਖ਼ਤ ਕਨੂੰਨੀ ਕੀਤੀ ਜਾਏਗੀ।
