ਡੇਰਾ ਬਾਬਾ ਨਾਨਕ ਬਾਬਾ ਆਦਿਤਾ ਰੰਧਾਵਾ ਪਾਰਕ ਚ ਬੀਜੇਪੀ ਸਾਂਸਦ ਵਲੋਂ ਲਗਵਾਏ ਜਿਮ ਉਪਕਰਨਾਂ ਦਾ ਉਦਘਾਟਨ
ਮੰਡਲ ਪ੍ਰਧਾਨ ਰਾਜੂ ਪੰਡਿਤ ਦੀਆਂ ਕੋਸ਼ਿਸ਼ਾਂ ਸਦਕਾ
Jatinder Kumar Dera Baba Nanak ਜਤਿੰਦਰ ਕੁਮਾਰ ਡੇਰਾ ਬਾਬਾ ਨਾਨਕ 
ਡੇਰਾ ਬਾਬਾ ਨਾਨਕ ਦੀ ਬਾਬਾ ਆਦਿਤਾ ਰੰਧਾਵਾ ਪਾਰਕ ਵਿੱਚ ਡੇਰਾ ਬਾਬਾ ਨਾਨਕ ਬੀਜੇਪੀ ਮੰਡਲ ਪ੍ਰਧਾਨ ਰਾਜੂ ਪੰਡਿਤ ਦੀਆਂ ਕੋਸ਼ਿਸ਼ਾਂ ਸਦਕਾ ਕੁੱਝ ਮਹੀਨੇ ਪਹਿਲਾਂ ਹੀ ਗੁਰਦਾਸਪੁਰ ਦੇ ਸਾਂਸਦ ਸੰਨੀ ਦਿਓਲ ਨੂੰ ਅਪੀਲ ਕੀਤੀ ਗਈ ਸੀ ਕਿ ਡੇਰਾ ਬਾਬਾ ਨਾਨਕ ਦੀ ਇਸ ਸੁੰਦਰ ਪਾਰਕ ਚ ਆਪਣੇ ਫੰਡ ਚੋਂ ਜਿਮ ਉਪਕਰਨ ਲਗਵਾਏ ਜਾਣ।
ਮੰਡਲ ਪ੍ਰਧਾਨ ਰਾਜੂ ਪੰਡਿਤ ਦੀਆਂ ਇਨ੍ਹਾਂ ਕੋਸ਼ਿਸ਼ਾਂ ਨੂੰ ਬੂਰ ਪਿਆ ਤੇ ਏਸੇ ਹਫਤੇ ਹੀ 3 ਲੱਖ ਦੀ ਲਾਗਤ ਵਾਲੇ ਜਿਮ ਉਪਕਰਨ ਏਥੇ ਲਗਵਾਏ ਗਏ। ਅੱਜ ਗੁਰਦਾਸਪੁਰ ਤੋਂ ਵਿਸ਼ੇਸ਼ ਤੋਰ ਤੇ ਏਥੇ ਪਹੁੰਚੇ ਜਿਲ੍ਹਾ ਪ੍ਰਧਾਨ ਸ਼ਿਵਬੀਰ ਬੋਪਾਰਾਏ ਨੇ ਇਹਨਾਂ ਉਪਕਰਨਾਂ ਦਾ ਉਦਘਾਟਨ ਕੀਤਾ ਤੇ ਨਾਲ ਹੀ ਇਹ ਵੀ ਅਸ਼ਵਾਸ਼ਨ ਦਿੱਤਾ ਕਿ ਹੋਰ ਵੀ ਜਿਮ ਉਪਕਰਨ ਤੇ ਬੱਚਿਆਂ ਦੇ ਪੰਗੂੜੇ ਆਦਿ ਇਸ ਪਾਰਕ ਨੂੰ ਜਰੂਰਤ ਹੋਵੇ, ਸਾਂਸਦ ਸੰਨੀ ਦਿਓਲ ਦੇ ਵਲੋਂ ਤੇ ਰਾਜੂ ਪੰਡਿਤ ਦੇ ਯਤਨਾਂ ਸਦਕਾ ਦਿੱਤੇ ਜਾਣਗੇ। ਜਿਕਰਯੋਗ ਹੈ ਕਿ ਇਸ ਪਾਰਕ ਵਿੱਚ ਜਦੋਂ ਦੇ ਇਹ ਉਪਕਰਨ ਆਏ ਹਨ ਲੋਕਾਂ ਦਾ ਸੈਰ ਪ੍ਰਤੀ ਤੇ ਆਪਣੀ ਸਿਹਤ ਦੀ ਦੇਖ ਭਾਲ ਪ੍ਰਤੀ ਰੁਝਾਵ ਵਧਿਆ ਹੈ। ਪ੍ਰਾਪਤ ਜਾਣਕਾਰੀ ਮੁਤਾਬਿਕ ਜਿੱਥੇ ਮਾਤਰ 20 ਤੋਂ 30 ਲੋਗ ਹੀ ਇਸ ਪਾਰਕ ਚ ਆਉਂਦੇ ਸਨ ਹੁਣ ਇਹ ਗਿਣਤੀ 200 ਤੋਂ ਵੱਧ ਪਹੁੰਚ ਗਈ ਹੈ। ਬੱਚਿਆਂ ਦੇ ਚੇਹਰੇ ਤੇ ਖੁਸ਼ੀਆਂ ਦੇਖ ਕੇ ਪਾਰਕ ਵਿੱਚ ਆਉਣ ਵਾਲੇ ਇਲਾਕਾ ਨਿਵਾਸੀ ਇਸ ਨੂੰ ਬਹੁਤ ਹੀ ਸ਼ਲਾਗਾ ਯੋਗ ਕਦਮ ਦੱਸਦੇ ਹਨ।
ਮੰਡਲ ਪ੍ਰਧਾਨ ਰਾਜੂ ਪੰਡਿਤ ਨਾਲ ਗੱਲਬਾਤ ਕੀਤੀ ਤਾਂ ਉਨ੍ਹਾਂ ਦੱਸਿਆ ਕਿ ਬੀਜੇਪੀ ਜੋ ਕਹਿੰਦੀ ਹੈ ਉਹ ਕਰਦੀ ਹੈ, ਉਸ ਦੀ ਕਥਨੀ ਤੇ ਕਰਨੀ ਚ ਕੋਈ ਫਰਕ ਨਹੀਂ। ਤਾਂ ਹੀ ਏਨੇ ਘੱਟ ਸਮੇਂ ਵਿਚ ਪੰਕਜ ਜੋਸ਼ੀ ਤੇ ਅਸ਼ੋਕ ਚੋਪੜਾ ਦੇ ਸਾਥ ਸਦਕਾ ਇਸ ਪਾਰਕ ਚ ਇਹ ਰੌਣਕਾਂ ਲੱਗੀਆਂ ਹਨ ਤੇ ਇਹ ਇਲਾਕਾ ਨਿਵਾਸੀਆਂ ਲਈ ਬੜੀ ਖੁਸ਼ੀ ਦੀ ਗੱਲ ਹੈ।
ਇਸ ਮੌਕੇ ਅਨਿਲ , ਭੁਪਿੰਦਰ ਸਿੰਘ, ਜਗਤਾਰ ਸਿੰਘ , ਸਤਨਾਮ ਸਿੰਘ , ਬਲਵਿੰਦਰ ਸਿੰਘ , ਕੁਲਦੀਪ ਸਿੰਘ ਕਾਹਲੋਂ ਤੇ ਹੋਰ ਇਲਾਕਾ ਨਿਵਾਸੀ ਮਜੂਦ ਸਨ।
