ਪਿੰਡ ਫਤਿਹਪੁਰ ਵਿਖੇ ਪ੍ਰਾਈਵੇਟ ਸਕੂਲ ਦੀ ਬੱਸ ਪਲਟੀ, ਬੱਸ ਸਵਾਰ ਬੱਚੇ ਵਾਲ-ਵਾਲ ਬਚੇ
ਪਿੰਡ ਫਤਿਹਪੁਰ ਵਿਖੇ ਪ੍ਰਾਈਵੇਟ ਸਕੂਲ ਦੀ ਬੱਸ ਪਲਟੀ, ਬੱਸ ਸਵਾਰ ਬੱਚੇ ਵਾਲ-ਵਾਲ ਬਚੇ
ਸੁਖਦੇਵ ਸਿੰਘ ਗੜਦੀਵਾਲ 
ਗੜ੍ਹਦੀਵਾਲਾ 31 ਅਗਸਤ (ਸੁਖਦੇਵ ਰਮਦਾਸਪੁਰ )ਅੱਜ ਸਵੇਰੇ ਗੜਦੀਵਾਲਾ ਦੇ ਨੇੜਲੇ ਪਿੰਡ ਫਤਿਹਪੁਰ ਵਿਖੇ ਵਾਪਰੇ ਹਾਦਸੇ ਦੌਰਾਨ ਇੱਕ ਪ੍ਰਾਈਵੇਟ ਸਕੂਲ ਦੀ ਬੱਸ ਪਲਟਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ।ਇਸ ਸਬੰਧੀ ਮਿਲੀ ਜਾਣਕਾਰੀ ਅਨੁਸਾਰ ਹਾਰਡਵਰਡ ਇੰਟਰਨੈਸ਼ਨਲ ਸਕੂਲ ਭਟੋਲੀਆਂ ਬ੍ਰਾਹਮਣਾਂ ਸਕੂਲ ਦੀ ਬੱਸ ਨੰਬਰ ਪੀ.ਬੀ07-ਯੂ-2070 ਜਿਸਦਾ ਚਾਲਕ ਰਜਨੀਸ਼ ਪੁੱਤਰ ਜਗਦੀਸ਼ ਕੁਮਾਰ ਵਾਸੀ ਨੜੂੜ ਪਿੰਡ ਨੜੂੜ, ਖੰਗਵਾੜੀ ,ਧੁੱਸੀ ਬੰਨ੍ਹ ਆਦਿ ਪਿੰਡਾਂ ਤੋ ਹਾਰਡਵਰਡ ਇੰਟਰਨੈਸ਼ਨਲ ਸਕੂਲ ਭਟੋਲੀਆਂ ਬ੍ਰਾਹਮਣਾਂ ਸਕੂਲ ਨੂੰ ਲਗਭਗ 30 ਦੇ ਕਰੀਬ ਬੱਚੇ ਲੈ ਕੇ ਜਾ ਰਿਹਾ ਸੀ।ਜਦੋਂ ਬੱਸ ਪਿੰਡ ਭੰਬੋਵਾਲ ਤੋ ਫਤਿਹਪੁਰ ਲਿੰਕ ਰੋਡ ਤੇ ਪੁੱਜੀ ਤਾਂ ਝਿੜਾਂ ਬਾਬਾ ਬੰਦਗੀ ਨਾਥ ਮੋੜ ਤੇ ਬੱਸ ਅਚਾਨਕ ਖੇਤਾਂ ਵਿੱਚ ਪੱਲਟ ਗਈ।ਜਿਸ ਕਾਰਨ ਬੱਸ ਵਿੱਚ ਸਵਾਰ ਲਗਭਗ 30 ਦੇ ਕਰੀਬ ਬੱਚਿਆਂ ਵਿਚੋਂ 2 ਬੱਚਿਆਂ ਦੇ ਮਾਮੂਲੀ ਸੱਟਾਂ ਲੱਗੀਆਂ ਬਾਕੀ ਵਾਲ-ਵਾਲ ਬੱਚ ਗਏ।ਇਸ ਮੌਕੇ ਨੇੜੇ ਦੇ ਲੋਕਾਂ ਵਲੋਂ ਬੱਸ ਵਿੱਚ ਸਵਾਰ ਬੱਚਿਆਂ ਨੂੰ ਬੱਸ ਵਿੱਚੋ ਬਾਹਰ ਕੱਢਿਆ।ਇਸ ਮੌਕੇ ਗੜ੍ਹਦੀਵਾਲਾ ਥਾਣਾ ਮੁਖੀ ਇੰਸਪੈਕਟਰ ਸਤਵਿੰਦਰ ਸਿੰਘ ਧਾਲੀਵਾਲ ਵਲੋਂ ਪੁਲਿਸ ਫੋਰਸ ਸਮੇਤ ਮੌਕੇ ਤੇ ਪੁੱਜਕੇ ਸਥਿਤੀ ਦਾ ਜਾਇਜਾ ਲੈਣ ਉਪਰੰਤ ਬੱਸ ਆਪਣੇ ਕਬਜੇ ਵਿੱਚ ਲੈ ਕੇ ਅਗਲੇਰੀ ਕਾਰਵਾਈ ਅਰੰਭ ਕਰ ਦਿੱਤੀ ਗਈ।
