ਚੇਅਰਮੈਨ ਬਣਨ ਤੇ ਹਰਮੀਤ ਸਿੰਘ ਔਲਖ ਨੂੰ ਸੋਸਾਇਟੀ ਮੈਂਬਰਾਂ ਦਿੱਤੀ ਵਧਾਈ

Sep 14, 2022 - 15:57 Updated: Sep 14, 2022 - 15:57

ਅੱਡਾ ਸਰਾਂ (ਜਸਵੀਰ ਕਾਜ)

ਆਮ ਆਦਮੀ ਪਾਰਟੀ ਦੇ ਮੁੱਖ ਮੰਤਰੀ ਪੰਜਾਬ ਭਗਵੰਤ ਮਾਨ ਵੱਲੋਂ ਇੰਪਰੂਵਮੈਂਟ ਟਰੱਸਟ ਦੀ ਜਾਰੀ ਲਿਸਟ ਵਿਚ ਜ਼ਿਲ੍ਹਾ ਹੁਸ਼ਿਆਰਪੁਰ ਤੋਂ ਹਰਮੀਤ ਸਿੰਘ ਔਲਖ ਨੂੰ ਇੰਪਰੂਵਮੈਂਟ ਟਰੱਸਟ ਦਾ ਚੇਅਰਮੈਨ ਨਿਯੁਕਤ ਕੀਤਾ ਗਿਆ। ਇਸ ਖੁਸ਼ੀ ਮੌਕੇ ਗੁਰੂ ਰਵਿਦਾਸ ਵੈੱਲਫੇਅਰ ਸੁਸਾਇਟੀ ਦਾਤਾ ਦੇ ਪ੍ਰਧਾਨ ਦਵਿੰਦਰ ਸਿੰਘ ਲਾਲਾ, ਦਾਤਾ ਦੇ ਆਪਣੇ ਸੁਸਾਇਟੀ ਮੈਂਬਰਾਂ ਸਮੇਤ ਪਹੁੰਚ ਕੇ ਮੁਬਾਰਕਬਾਦ ਦਿੱਤੀ। ਉਨ੍ਹਾਂ ਕਿਹਾ ਕਿ ਆਮ ਆਦਮੀ ਪਾਰਟੀ ਦੇ ਮੁੱਖ ਮੰਤਰੀ ਭਗਵੰਤ ਸਿੰਘ ਮਾਨ ਅਤੇ ਹਲਕਾ ਉੜਮੁੜ ਟਾਂਡਾ ਦੇ ਵਿਧਾਇਕ ਜਸਵੀਰ ਸਿੰਘ ਰਾਜਾ ਨੇ ਸਾਬਤ ਕਰ ਦਿੱਤਾ ਕਿ ਪਾਰਟੀ ਆਪਣੇ ਨਾਲ ਜੁੜੇ ਲੀਡਰਾਂ ਦੀ ਕੀਤੀ ਮਿਹਨਤ ਨੂੰ ਕਿਵੇਂ ਸਤਿਕਾਰ ਦਿੰਦੀ ਹੈ। ਇਸ ਮੌਕੇ ਜ਼ਿਲ੍ਹਾ ਹੁਸ਼ਿਆਰਪੁਰ ਤੋਂ ਇੰਪਰੂਵਮੈਂਟ ਟਰੱਸਟ ਦੇ ਨਵ ਨਿਯੁਕਤ ਚੇਅਰਮੈਨ ਹਮੀਰ ਸਿੰਘ ਔਲਖ ਨੇ ਕਿਹਾ ਕਿ ਸ਼ੁਭਚਿੰਤਕਾਂ ਵੱਲੋਂ ਦਿੱਤੇ ਜਾ ਰਹੇ ਸਤਿਕਾਰ ਲਈ ਉਹ ਰਿਣੀ ਹਨ। ਪਾਰਟੀ ਵੱਲੋਂ ਦਿੱਤੀ ਜ਼ਿੰਮੇਵਾਰੀ ਨੂੰ ਉਹ ਤਨਦੇਹੀ ਨਾਲ ਨਿਭਾਉਣਗੇ। ਇਸ ਮੌਕੇ ਸੋਸਾਇਟੀ ਮੈਂਬਰਾਂ ਵੱਲੋਂ ਉਨ੍ਹਾਂ ਨੂੰ ਗੁਲਦਸਤਾ ਭੇਟ ਕੀਤਾ ਗਿਆ ਅਤੇ ਮੂੰਹ ਮਿੱਠਾ ਕਰਵਾਇਆ ਗਿਆ। ਇਸ ਮੌਕੇ ਲਖਵੀਰ ਸਿੰਘ ਅਰਗੋਵਾਲ ,ਸੁਖਵਿੰਦਰ ਸਿੰਘ ਸੁੱਖਾ ਦਾਤਾ ,ਕਸ਼ਮੀਰ ਸਿੰਘ ਨੰਗਲ, ਸੁਖਵੀਰ ਸਿੰਘ ਕਕਰਾਲੀ , ਪੂਰਨ ਸਿੰਘ ਸਹਿਬਾਜਪੁਰ , ਬਿਸਵਾਸ ਦੀਪ ਸਿੰਘ ,ਰਾਮ ਸਿੰਘ ਭਾਨਾ, ਸੂਬੇਦਾਰ ਜਤਿੰਦਰ ਜੰਡੋਰ ਸਤਨਾਮ ਸਿੰਘ ਤੂਰ, ਆਦਿ ਹਾਜ਼ਰ ਸਨ ।