ਡੇਰਾ ਬਾਬਾ ਨਾਨਕ ਬੇਦੀ ਲਾਲ ਚੰਦ ਰਾਮਲੀਲਾ ਕਲੱਬ ਵੱਲੋਂ ਦੁਸ਼ਹਿਰੇ ਦਾ ਪਵਿੱਤਰ ਤਿਉਹਾਰ ਮਨਾਇਆ ਗਿਆ
ਮੁੱਖ ਮਹਿਮਾਨ ਗੁਰਦੀਪ ਸਿੰਘ ਰੰਧਾਵਾ
Jatinder Kumar Dera Baba Nanak ਜਤਿੰਦਰ ਕੁਮਾਰ ਡੇਰਾ ਬਾਬਾ ਨਾਨਕ 
ਬੇਦੀ ਲਾਲ ਚੰਦ ਰਾਮਲੀਲਾ ਕਲੱਬ ਵੱਲੋਂ ਦੁਸ਼ਹਿਰੇ ਦਾ ਤਿਉਹਾਰ ਬੜੀ ਧੂਮ ਧਾਮ ਨਾਲ ਮਨਾਇਆ ਗਿਆ ਰਾਮਲੀਲਾ ਦਾ ਮੰਚਨ ਕਰਨ ਤੋਂ ਬਾਅਦ ਕਲੱਬ ਦੇ ਪ੍ਰਧਾਨ ਬਲਦੇਵ ਰਾਜ ਡਾਇਮੰਡ ਦੀ ਅਗਵਾਈ ਦੇ ਵਿੱਚ ਦੁਸ਼ਹਿਰੇ ਦਾ ਪਵਿੱਤਰ ਤਿਉਹਾਰ ਮਨਾਇਆ ਗਿਆ ਜਿਸ ਦੇ ਮੁੱਖ ਮਹਿਮਾਨ ਰਹੇ ਡੇਰਾ ਬਾਬਾ ਨਾਨਕ ਦੇ ਹਲਕਾ ਇੰਚਾਰਜ ਗੁਰਦੀਪ ਸਿੰਘ ਰੰਧਾਵਾ। ਉਹਨਾਂ ਦਾ ਭਰਪੂਰ ਸਵਾਗਤ ਵੀ ਕਲੱਬ ਮੈਂਬਰਾਂ ਵੱਲੋਂ ਕੀਤਾ ਗਿਆ ਗੁਰਦੀਪ ਸਿੰਘ ਰੰਧਾਵਾ ਨੇ ਕਿਹਾ ਕਿ ਅੱਜ ਦਾ ਦਿਨ ਬਹੁਤ ਮਹੱਤਵਪੂਰਨ ਹੈ ਕਿਉਂਕਿ ਇਸ ਦਿਨ ਚੰਗਿਆਈ ਦੀ ਬਦੀ ਉੱਤੇ ਜਿੱਤ ਹੋਈ ਸੀ ਤੇ ਸਾਨੂੰ ਸਾਰਿਆਂ ਨੂੰ ਆਪਣੇ ਚੋਂ ਬੁਰਾਈਆਂ ਕੱਢ ਕੇ ਚੰਗਿਆਈਆਂ ਨੂੰ ਅਪਣਾਉਣਾ ਚਾਹੀਦਾ ਹੈ।
ਜ਼ਿਕਰ ਯੋਗ ਹੈ ਕਿ ਕਾਨੂੰਨ ਵਿਵਸਥਾ ਦੇ ਵੀ ਪੁਖਤਾ ਪ੍ਰਬੰਧ ਸਨ ਜਿਨਾਂ ਦੀ ਦੇਖਰੇਖ ਡੇਰਾ ਬਾਬਾ ਨਾਨਕ ਦੇ ਡੀਐਸਪੀ ਮਨਿੰਦਰ ਪਾਲ ਸਿੰਘ ਆਪ ਮੌਜੂਦ ਰਹਿ ਕੇ ਕਰ ਰਹੇ ਸਨ।
ਇਸ ਮੌਕੇ ਬਲਾਕ ਪ੍ਰਧਾਨ ਗਗਨਦੀਪ ਸਿੰਘ, ਵਪਾਰ ਮੰਡਲ ਪ੍ਰਧਾਨ ਵਿਪਿਨ ਸੋਨੀ, ਰਜਤ ਮਰਵਾਹਾ, ਨੀਰਜ ਲਾਹੌਰੀਆ, ਰਕੇਸ਼ ਕੁਮਾਰ ਬਿੱਟਾ, ਕਲੱਬ ਪ੍ਰਧਾਨ ਬਲਦੇਵ ਰਾਜ ਡਾਇਮੰਡ, ਸੈਕਟਰੀ ਰਕੇਸ਼ ਕੁਮਾਰ ਪਟਵਾਰੀ, ਖਜਾਨਚੀ ਰਕੇਸ਼ ਕੁਮਾਰ ਸੋਨੀ, ਮੂਲਰਾਜ ਭੱਟੀ ਤੇ ਹੋਰ ਕਲੱਬ ਮੈਂਬਰ ਦੇ ਨਾਲ ਨਾਲ ਸ਼ਹਿਰਵਾਸੀ ਵੀ ਮੌਜੂਦ ਸਨ। ਇਲਾਕਾ ਨਿਵਾਸੀਆਂ ਨੇ ਦੁਸ਼ਹਿਰੇ ਦੇ ਪਵਿੱਤਰ ਤਿਉਹਾਰ ਦਾ ਖੂਬ ਆਨੰਦ ਮਾਨਿਆ ਤੁਸੀਂ ਵੀ ਦੇਖੋ ਆਲਟੂ ਨਿਊਜ਼ ਲਈ ਗੋਪਾਲ ਕ੍ਰਿਸ਼ਨ ਅਤੇ ਜਤਿੰਦਰ ਕੁਮਾਰ ਦੀ ਤਿਆਰ ਕੀਤੀ ਹੋਈ ਇਹ ਵਿਸ਼ੇਸ਼ ਰਿਪੋਰਟ।
